![放大鏡](image/button-search-icon.png)
語言選擇
語發中心
![](image/rcm-ilrdc.jpg)
wawa點點樂 歌謠
![](image/rcm-wawasong.png)
掛圖 歌謠
![](image/rcm-flipChart.png)
司馬庫斯泰雅爾學校
![](image/rcm-smangus.png)
尋找母親失落的臀鈴
![](image/rcm-wind.png)
全正文校長編輯
![](image/rcm-takivatan.png)
語言|巒群布農語
34.第三十三章 Taismi Mati'un qan Paat
Mapi’isnaq Sicen i Tina 1. Isia Li’ia tinis’uvaz’az i Iakubu tu talbinau’az Tina, asa munnata saduu taki’ita tu talbinau’az. 2. Taki’ita tu sasbinaz. Takihaan Si’ui tu tu bunun Hamo tu uvaz’az Sicen, saduu istaa, silulu’un istaa naipa, katmangun mapaquit, mapi’isnaq istaa. 3. Isia Sicen tu is’aang qai kamimiing madini madaidaz isia Iakubu tu talbinau’az Tina, madaidaz daingaz naipa talbinau’azta, makusia madavus tu qalinga si’a’ail istaa. 4. Tupa’un Sicen isiata tu tama Hamo tu, “ Maqtu’ang asu tis’uni zaku sibinsiq siqailaz talbinau’aztun min’uni inaak tu binanau’az.” 5. Tinan’a Iakubu tu pin’isnaqunin Sicen a isiata tu talbinau’az Tina. Qaitu, maaq tudiip a, isiata mabananaz tu uvaz’az ihaan quma malqaqaipu sasaipuk inaita tu sidih, paaqpun nii naipa bababaz, muhaz maltala intaa musuqais. Tis’uni Iakubu tu uvaz’az Tina minbaas kan’asang 6. Minsuma isia Sicen tu tama Hamo mapasaduu Iakubu, na’asa muskun istaa mapabazbaz mapaliqansiap. 7. Tinan’a’in isia Iakubu mabananaz tu uvaz’az maupata tu sinkuzakuza, misnahaan quma musuqais. Matusalpu matusuqnuq amin tatinitini tu bunun, maupa’i ihaan Sicen Isulailu malkasia ka’isnaqun tu sinkuzakuza, mapi’isnaq i isia Iakubu tu talbinau’az uvaz’az, nii naipa maqtu palkada’an tu sinkuzakuza. 8. Mapaliqansiap Hamo intaa tupa tu, “ Inaak tu bananaz uvaz’az Sicen malmimiing madini madaidaz imuu lumaq tu talbinau’az, maqtu’ang amu isaiv naipa pisia inaak tu uvaz’az min’uni binanau’az.
語言|巒群布農語
32,第三十二章 Tausmi Mati'un qan Dusa
Mapalsanusin a Iakubu is’aang tu namapasaduu ki Isau 1. Daukang Iakubu ihaan isiata tu inundadaanan, isia Tama-diqanin papiaq tu iskalunan palakanduu istaa. ( Maaq a sinpatasun ihaan 《Masula tu ispapatas》 qai 32:2.) 2. Saduu Iakubu intaa, tupa tu, “ Isia naipi Tama-diqanin tu sivitai.” Uu qai patingaanan taki’ita dalaqan tu Mahanen. 3. Tangusang Iakubu maskalun iskalunan munhaan Si’al tu dalaqan, sia ki Itung tu dalaqan, munhaan isiata masituqas Isauta. 4. Tukakiiv intaa tupa tu, “ Asa amu tu maupata tupa ki inaak tu taimilumaq Isau tupa tu: Maupata isuu tu iskalunan Iakubu tupa tu: Ihaan azak Lapanta mukhiv mal’asang, sauhaan laupaku. 5. Haiza’an azak qanvang, tas’asikis tikis, sidih, talbinau’az tu iskalunan, maskalun laupaku iskalunan taqu ki inaak tu taimilumaq, maqtu’ang usiza’an isuu tu kainahipan.” 6. Musuqais iskalunan munhaan Iakubuta tupa tu, “ Tunahaanin azam isuu tu masituqas Isauta, madas naipa paat sabah tu bunun, anpasduu su’u mun’ita.” 7. Matinpising minqanivaang a Iakubu, pavaazun makilansan istaa tu bunun, sidih, qanvang siin qanvang kunul mindusa. 8. Miliskin is’aang tu, “ Maaki kan’asang Isau dii tu tastuluhluh qai, nahaizang tas’a tas’tuluhluh maqtu matisbai.” 9. Tupa Iakubu tu, “ Ihuva! Inaak qudas Abulahamu tu Tama-diqanin, inaak tama Isa tu Tama-diqanin, tinupa asu zaku tu: Musuqaisa munhaan isuu anak’anak tu mai’asang, munhaan isuu tu tastusiduqta, napisihalun zaku asu malkasia malhanu.
語言|賽考利克泰雅語
bqanux 鹿
作者|kellen
bqanux musa saku inu? musa saku inu? ktan maku syax cyux gleng phpah cyux gleng yulung cyux gleng qutux bqanux cyux gleng ghap na zik uraw wayal qmisan lga