hini talka: Sil’i: a tomal. hini kabat kin hil’awan. hiSon kamamanra:an kin ’ibabaw. hini ’al’alak kin makakreng. hini ralom ’iya’zaw a tomalan. hini kakiSka:atan kamakiSka:at ’it’iti’an. hiza ma’iyaeh boSok ila. ma’an hini kapapama’an tatini’ ila. ma’an kapapama’an ’aewhay ila. hini ’iyok kin ’aehis.

siya ra:am ma:tol o ra:am homlal. ma’an mari’ ’aehae’ ka ’ima bolalasan kayba:en. minayti’ mae’rem ila, yaba’ pama’ hi siya lobih ray taew’an. yami minowa’ rima’ ray lolongan lalangoy. yako ki minatini’ Sobowaw ka ’in baki’a rokol. yako komita’ hi yaba’ mam bolak ka tawtaw. kaehoey malben ila, Sapiyak ni ’oya’ pinamowa’ ka pongaeh. kato: ka zinowas ’iniman! yako kayni’ papama’ ka baSe’ ’aewhay kakon’es’es. baki’ mam tomowak ka kaehoy.

yami ki minatini’ mae’onhael rima’ tatoroe’ tomnon. oya’ rima’ mari’ ka kakiw. oya’ mam rememe:. minatini’ bae:iw ’aehae’ ’iniyangangilaeh ’ima ’inaro’ totoS. oya’ ’ima tomnom ka kapakbo:ol. hiza noka minatini’ a kaway. ma’an katoeh ’iniyangangilaeh, ni minayti’ mikoringan ’iniyabalalas. niSo’ takil ni hiya’ pinaskayzaeh? ni yaba’ taleken ka kasnaw. tata’ mina kakhayza’an Sapang nom baba:ok.

minatini’ kamanra:an rima’ lolongan nazip. ray ra:i’ ’akoy ka bonaz. ray ba:la’ hayza ka ’aelaw. ray kati’ae’la’ hayza ’aehae’ka waswasal. ilaS sobae:oeh o konkononan. aemiSan kin mis’oeh omaskes. yako tikot ka bi:wa’. ray rokol biyae’ babaw haza’ ka lamo:. naba:an ila hini kaehoy minpongaeh ila. So: ba:yoS ila ’izi’ ’i kaSlatar!

noka hosong kiko: kin ’inaro’. inmana’a baboy minowa’ somi’ael ka ’aewpir. kansiya ray hataS hayzaSopat ka ’aehoe’. ray ’oes’oeso’an hayzahaseb ka ’ima ’elngihan Siri’. anmana’a ngiyaw minowa’ somi’ael ka ’aelaw. yako minowa’ somi’ael ka ’aelaw. hato ray koko:ol ’akoy ka hosong. hini katin sopaloy o wa’isan. hini no ’aewhaeS kasi’aelen. hini hayza haseb ka takem.

yami ’am ’inowan somi’ael? ampowa’ ray halapaw babaw’ia’ae’aewzaehen? hini yaba’ ma’an. So’o hayza’ piza’ ’aehael? baki’ ma’an ray ’oes’oeso’an. kawhaenan ’anay rima’ ray wasal nazip. towanay ma’an homiba: ’imangangilaehan ka totoS. ma’an minayti’ minkoringan ray taew’an. niSo’ raro:o’ Sin hiya’en? hiza korkoring ’ima hoembo’.

yako hayza ’aehae’ ka ’aehoe’. ma’an hayza roSa’ ka ngiyaw. ma’an hayza to:o’ ka kaka:at. siya hayza Sopat ka kina:at. So’o hayza haseb ka bato’. hini hayza SayboSi: ka ’aelaw. hini hayza SayboSi: o ’aehae’ kapongaeh. hini hayza maykaSpat ka ’aewpir. hini hayza hae’hae’ ka rokol. hini hayza’ lampez ka:ang.

tjengelay a ken tua vatu tjengelay aken tua iyu uta tja tjengelay aken tua ljavingan tjalja tjengelay aken tua ciqav

O cafay i mamang a misalamaan

pinasainu a dramiya kata pitaw?