Tatangasa^ to kita hay? Tatangasa^ to! Tatangasa^ to kita hay? Caay ho^. Maraay ho^. Malahakelong kita a midangoy haw? Nga’ay to! Tata ri! Pakamaan kiso a tayni? Rakat sa kako. O maan ko dakawen iso a tayni? Pakafaso^ kako.

Pina^ to ko mihecaan iso anini^? Siwa^ to a polo’ ira ko falo^. Nani cowa^ kiso a tayni? Nani Fata’an kako. O Pangcah ko fafahi^ iso haw? Caay, o Piwma^ ciira. Pina^ a sasowalan ko kafana’ iso? Mafana’ kako a somowal to sowal no Pangcah ato no Piwma^. Nga’ay ho! O maan ko cakayen iso? 你好，你要買什麼？

Mapawan kako mihakiwid to impic ako. Pacaliwen ako kiso. Mapawan kako mihakiwid to ’alapit ako. Mapawa:n kako to no mako. Tata micakay kita. Micakay kita to impic haw? Hay, o sasisit ko roma^. O maan ko sakalahok iso? I picodadan kako a malahok. Maherek to kiso a miasik hay? Maherek to!

Masamaan ko romi’ad anini^? Macidal anini^, faedet ko romi’ad. Sienaw i papotal hay? Sienaw, adihayen ka cifodoy. Matohem i papotal hay? Caay, mafali^ to. Saepi’. Masamaan ko romi’ad anini^? Diheko^ anini^. Caay ka sienaw, caay ka faedet. Masamaan ko romi’ad anini^ a dadaya^? Awaay ko kotem, masadak to ko fo’is.

Pina^ to ko mihecaan no miso? Mo^tep to ko mihecaan no mako. Pina^ to ko mihecaan niira? Safaw tosa^ to ko mihecaan niira. Pina^ to ko mihecaan ni mama^ no miso? Lima^ polo’ to ko mihecaan ni mama^ no mako. Ira ko kaka^ iso to fa’inayan? Awaay ko kaka^ ako to fa’inayan. Papina^ ko paro^ no loma’ namo? Sasepat ko paro^ no loma’ niyam.

Mafana’ kamo mitengil to sowal ako haw? Singsi^, caay ka fana’ kako. Tiyolen haca ari? Sadaken ko impic. Singsi^, matawal ako ko impic ako. Sadaken ko sasisit. Singsi^, matawal ako ko sasisit ako. Cima^ kiso? Cima^ ko ngangan no miso? Ci Kacaw ko ngangan no mako. Cima^ ko ngangan no mama^ no miso?

Sasiroma cingra to itiniay a foting, sa masamsam matongangan no roma a foting cingra, to laday o piliyas ningra to misamsamay i cingraan a foting, saka papacem to ano piceleman to no cidal i, talahekal to cingra. Maolah ci Lokot minengnegn to langdaw no kakarayan, siemelen to kasariwsiw no fali, sanga’ay saan ko faloco’ ningra itini. Matiyatiya masamsam ci Lokot i, nika ira ko cecay a tada fangcalay a widang ningra ci Talacay, o romaay a finacadan ci Talacay. Matiya o lamit no kilang ko wa’ay, akaraw a kakaya ko tatirengan ningra, o fongoh ningra adihay ko matiya ngangai’ o cicekaay a sakorahos, ano masamsam no roma a foting ci Lokot i, tangsol paading ci Talacay misongtol a micocok to misamsamay ci Lokotan a foting, onini ko kahadowayan ni Lokot. Nanay mafilo ako midipot to widawidang saan ko faloco’ ningra, pasowalen ni Lokot ci Talacay. "Ano ira ko cecay a romi’ad, sa matiyaen ako itisowanan a kiemel a manga’ay to ako mipadang to widawidang."han ningra. Mahemek ci Talacay mitengil, pakaso’elin cingra mamafilo ni Lokot koni a demak.

1-1. 題目: Makaen nora ’ayam ko falinono^. 1-2 題目: Kaeso’ kaenen ko tafedo’ no lokot. 1-3 題目: Papica’iten ci mama^ tona cecay dadaongan a pawli^. 1-4 題目: Ocoren ako ko kadafo^ a pawali^ to oray i papotal.

2-1.A: O maan ko nipalomaan ni mama^ ni Kacaw? B: O lokot ato koleto^. 2-2.A: Nawiro tayra i lotok ci Panay? B: Mifariw to semot. 2-3.A: Marang, talacowa^ to koya ’oner? B: I laloma’ no fokelokelohan. 2-4.A: Coko’, naw macaroh ko rakat iso? B: Ira ko waco^, saka matalaw kako. 2-5.A: Mimaan ci Komod a tala’alo^ ihoni? B: Mipatiked.

主題一: O wen-cyen-can no niyaro’ 部落的文健站 作答參考： Ira ko Wen-hwa-cyen-kang-can i niyaro’ no mako. O pidipotan no Ceng-fu to mato’asay no niyaro’. Siwaay ko toki^ to dafak, tayra to ko mato’asay no niyaro’ i wen-hwa-cye-kang-can. Sa’ayaway i, miyatayat cangra to tatirengan. Maherek a miyatayat to tatirengan i, minanam cangra to masamaamaanay a demak. Ira ko minanamay to tyen-naw, ira ko minanamay a mitenoon, ira ko minanamay a paloma^ to sinafel. Lipahak sa cangra itini a malecapo^. Maraod to ko kalahokan i, itira: cangra a mapolong a malahok. Maherek a malahok ta minokay to cangra. Matiraay ko demak no mato’asay i wen-hwa-cyen-kang-can. 主題二: Mangohed ko wadis ako 我蛀牙了 作答參考： Maolah kako a komaen to piyang. Yo minengneng to tilifi^ i, komaen kako to piyang. Mafoti’ to kako i, telien ako i tatihi^ no kakafoti’an ko piyang. I ka’ayaw a mafoti’, pisorac to wadis sa ci ina^, caay tengilen ako. I terong to lafii^, ada:da^ sa ko wadis no mako. To cila^ sato, keriden ni ina^ kako a talaising, sowal sa ko ising, “Mangohed ko wadis iso. Kararid a misorac to wadis.“saan. Nanoya a romi’ad, caay to ka halipiyang kako. 主題三: Misolimet a miasik i narikoran no faliyos颱風過後環境清潔 作答參考： Narikoran no faliyos, adi:hay ko lakaw i taliyok no loma’. Misalama^ kako ato safa^ i papotal i, makalat no likec kako. Mafoti’ to dadaya^, cae:nget sa ko nikalatan no likes, caay ka ala^ ko fafoti’an ako. To dafak sato, keriden ni ina^ kako a tayra i pipaisingan, sowal sa ko ising, “Adihay ko likes, makalat no likes kiso. Malalisan kiso.”saan. Taloma’ sato kami i, asiken no niyam ko taliyok no loma’, ta awaay to ko lekes. 主題四: O kasofocan a romi’ad 過生日 作答參考： O kasofocan ako a romi’ad anini^. Ira ko nicakayan ni ina^ a tan-kaw, romadiaw kami to “生日快樂”sanay a radiw. Maherek kami a romadiw i, sowal sa ci mama^ i takowanan, “ O kasofocan iso anini^, o sapaamid ako i tisowanan konini.”saan. Lipahak sa kako. O fodoy hakini? O wikidan hakini? O sasalamaan hakini? sa ko harateng no mako. Tayra i kafoti’an kako, fohat han ako koya hako^, o codad no Pangcah. Nanitiya, malalok to kako a minanam to sowal no Pangcah. 主題五: O pisakaro’an a romi’ad 中秋節 作答參考： O pisakaro’an a romi’ad anini^. Sowal sa ci mama^, “Tayra kita i loma’ ni akong aci ama:, itira kita a malafi^.”saan. Lipahak sa kami a midakaw to paliding ni mama^. Tangasa^ kami i loma’ ni akong aci ama: i, adihay ko nipatalaan ni ama: to sakalafi^. Herek a malafi^, Tayar kako ato safa^ i padatengan ni ama: a midateng. Roma^ i, mi’id’id kami to titi^, lipahak sa kami toya dadaya^. 主題六: Tayra i tung-u-yuen 去動物園 作答參考: Tayra kami i tung-u-yuen anini^ a romi’ad. Masatisil kami a micakay to sapicomod a paya^. Micomod to kami i tung-u-yuen i, sa’ayaw i, ma’araw niyam ko ’aya’ayam a misaefeefer; ira a ko ekong, mafoti’ i laloma’ no fohang no kilang. Do^do sato i, ma’araw niyam ko toloay a ’oner. I laloma’ no tung-u-yuen, ira ko eco^, o efa^ ato lokedaw; anini^ adihay ko ma’araway no mako a pinanowang, lipa:hak ko faloco’ ako. Adihay ko nisya-si-ngan no mako, anoro:ma^ a romi’ad i, mangalay ho^ kako a tayni i tung-u-yuen a misalama^. 主題七: Tayra i patiyamay 去菜市場 作答參考: O pihifangan a romi’ad anini^, talapatiyamay kako aci ina^, micakay kami to datang, o koleto^ ato kahengayay a saytaw. Oya tatihiay mipacakayay to heci^ no losay a tawki^ i, mipacakay to mami’, pawli^ ato lopas. Mita’elif kami to pacakayay to titi^, foting, ato ’afar. Adi:hay ko nicakayan niyam a sinafel, malosakalafi^ niyam anini^ a dadaya^. O malemeday ko ’orip niyam. 主題八: Miliso’ i ci ama:an 去拜訪外婆 作答參考: Inacila^, tayra kako i niyaro’ a miliso’ i ci ama:an. Hala:fin to kami a caay ka saso’araw, maoron kako i ciiraan. Ma’araw ni ama: kako i, pakaenen niira kako to sinar ato ke-le. O kalahokan sato i, makomod kako aci ama: a misakalahok. Adi:hay ko nisacacakan ni ama: to sinafel; ira ko foting, o ’ayam, o tamorak; ira haca^ ko kacomoli^. Herek no lahok i, talapadatengan kami a midateng. Adi:hay ko nialaan ni ama: a datang, pataloma’en sa i takowanan. Yo taloma’ to kako i, sowal han ako ci ama:, “O tatayni ako ano cilimaw kako.” han ako ciira a palicay. 主題九: O pitalaan to faso^ 等公車的街景 作答參考: Itira i pitalaan to faso^, ’aloman ko mitalaay a madakaw to faso^. Ira ko pinapina:ay a sito^ a masatisil. I salaloma’ naira haw i, ira ko miawitay to mali^, ira ko minengnengay to codad. Roma^ i, ira ko miawitay to kafang a mipadingwa^, ira ko cecay a ama:, miawit to patelian to sapaiyo^ no pipaisingan. Ira ko tatosaay, comikay a mitoor to faso^, ira haca^ ko cecay a tamdaw, mikawih to tokosi^. Mahaenay ko ma’araway ako i pitalan to faso^ anini^ a romi’ad. 主題十: O ka’oradan a romi’ad i patiyamay 下雨天的街景 作答參考: Itira i pitalaan to faso^, ’aloman ko mitalaay a madakaw to faso^. Ira ko pinapina:ay a sito^ a masatisil. I salaloma’ naira haw i, ira ko miawitay to mali^, ira ko minengnengay to codad. Roma^ i, ira ko miawitay to kafang a mipadingwa^, ira ko cecay a ama:, miawit to patelian to sapaiyo^ no pipaisingan. Ira ko tatosaay, comikay a mitoor to faso^, ira haca^ ko cecay a tamdaw, mikawih to tokosi^. Mahaenay ko ma’araway ako i pitalan to faso^ anini^ a romi’ad.

1.題目: O madadamadamaay ko Pangcah 阿美族是互助的民族 Itini i lalan i, o kaka^ konini ano saan i, miki’ayaw ko safa^ a tamdaw a milicay to kakakaka^, ano eca^, o ina^, o mama^ no i niyaro’ay. Ano maamaan a demak i, awaay ko podoh no Pangcah. Ano ira ko adadaay, mapatayay, makari’angay ato ma’alolay i, caay pipaconoh i cimacima:an. Karasini’ada^ ko Pangcah to no tirengan a finacadan. 2..題目: Kapaysinan a demak 禁忌 I ’ayaw no nikalingad no tamdaw i, ano ira ko fa’esingay a wawa^ i, o sakacidoka’ noya malingaday sa ko sowal. Onini haw i, o nano sienaw no romi’ad ato caay ka edeng ko nikacifodoy, saka fa’esingan kora wawa^. Itiya i, malitodong ko kalingadan no mato’asay i, sopa’en no mato’asay cingra a mikaketer. 3.題目: Adada^ ci ina^ 媽媽生病了 Pitoay to ko widi^ to dafak, caay ho^ ka lomowad ci ina^, mamaanay hakini: sa ko faloco’ no mako. Lowad sa kako a minengneng ci inaan i kafoti’an, licay han ako, " Ina^! Ina^! Mamaanay kiso?" Aya! Malalisan ci ina^. Ala^ han ako ko sapaiyo^ ato nanom, tangsol han ako a pakaen ci ina^. Maedeng pangkiw no tatokian i, masa:ray to ko lalisan niira, saka safangca:l sato ko faloco’ ako, ta tayra sato kako i picodadan. 4.題目: Ma’apac anini^ 今天遲到了 I dadaya^, minengneng to kalalifet no miyakiway i tilifi^, salafii^ sa kako a minengneng, saka o cerem to no dadaya^ tosaay widi^ kako a mafoti’. Lowad sato kako i dafak i 7:30 i, aya! Maapac kako, saka comikay kako a tayra i katayalan, tangasa^ i ka’ayaw no fawahan no kay-sya^, licay sa koya cing-wey," Enaw maapac kiso anini^?" saan. Sakimokimor sato kako to tatayalen i katayalan. 5.題目: O wen-cyen-can no niyaro’ 部落的文健站 Yo ira to ko wen-cyen-can no niyaro’ i, o nga’ayay a kaitiraan no po:long no mato’asay a mahaholoholol. To dafak i, miyatayatay to tireng, masakero^, minanam a mitolik to cinaw ato faroro^, minanam haca^ to ting-naw, itira ko lahok. Rihahay a lipahak ko ’orip no mato’asay i niyaro’, sakatangka’ no tatirengan. 6.題目: O sikaen a demak no Pangcah 分享飲食習慣 Ano citama’ ko cima^ i, caay pisateked cingra a komaen toya tama’. Papitahidangen niira ko kaemangay to mato’asay no malinaay, ano eca^, o kananaman to a fiyafiyaw. O lipahak niira a citama’ konini; nikawrira, caay eminen niira a pasadak; ’osawen niira ko cepi’ ato fangcalay a titi^ to sakiparo^ no loma’. O i laloma’ay no tiyad a maemin i, oranan ko tatangtangen a pakaen to ’alomanay. 7.題目: Mipadang a matayal i loma’ 幫忙做家事 O kalafian to! Misakalafi^ ci ina^, kako sato i, micodad to cacodaden. O fafahian a safa^ no mako i, misalama^ to sasalamaan ato ning-kiw. Pitoay to ko widi^, ira to minokay ci mama^ nani kay-sya^, maherek to ci ina^ a mitangtang to sinafel, malafi^ to kami, mi’atal kako to hemay a mipadang i ci inaan. Maherek a malafi^ i, misawsaw to kaysing ci mama^, misisit to sapad kako. I pitoay ko widi^ i, matengil ko soni^ no mialaay to lakaw a paliding, mifalah to lakaw ci ina^ ato safa^ ako, mahaen ko ’orip niyam a mapapadapadang a matayal to romi’ami’ad, lipahak ko ’orip niyam. 8.題目: Masiday ko papaysoan ni ama: 阿嬤的錢包遺失了 Maraod to ko pipasa^sa’an, minokay to ko po:long no micodaday. I ka’ayaw no fawahan no picodadan i, ’aloman ko nani loma’ay a militemoh to wawa^ nangra, kako sato no mako i, romakat a minokay. Itira i fatad no lalan, ma’araw ako ko masidayay no nima^ a papaysoan i lalan, nengneng han ako i laloma’ noya papaysoan, adihay ko payso^, sa tangsol han ako patayra i kin-cac, nika ira: to koya mato’asay a mitala^ i kin-cac. Aano ira to ko mipanokasay toya masidayay a papaysoan ako saan. Paka’aray koya ama: i takowanan, lipahak saan a miaray, o kakahemekan to kiso a wawa^ saan. 9.題目: Adada^ ko wadis no mako 我牙痛了 Toya dadaya^ faloay to ko widi^, komaen kako to cacarcaran a minengneng to tilifi^, caay pahoda^ pina:ay to ko nikaenan ako to piyang. Sowal sa ci ina^, " Kafoti’ to! I ’ayaw a mafoti’ i, pisorac to wadis." saan. Ti’enang sa i kafoti’an, mitakaw ho^ kako a komaen to piyang, awaay ko tolas, nawhani kaeso’ a kaenen. Toya lafii^ sato i, adada^ to ko wadis ako, caay to pakadawa^ kako to adada^ no wadis, saka patayra han to ni ina^ kako i paisingan. Sowal sa ko ising," Aya! Mangohed to ko wadis iso, ngito’en ta maadah." saan. Nanitiya, caay to ka pawan ako ko sowal no ising, ano komaen to maamaan i, malalok a minanom, ano eca^, misorac to wadis. 10.題目: O pipasa^sa’an a micodad 下課時間 I pipahanhanan, tayra kami i papotal a misalama^ to tananoyan, mimali^, mitakod to komo^. Oya fa’inayan a widang i, misacikacikay cangra a matatootoor. Aka ka comikay itini karomakatan saho^ ko sowal no singsi^ i, ira to ko masasetolay a matolo’, madoka’ to! Ira! Ira! Caay pitengil kamo han no singsi^ a mapowi’. Pasipasip han no singsi^ to sapaiyo^ ko tosor noya caayay pitengil a sito^, sowal sato koya sito^, caay to paliyaw kami saan.