推薦
語發中心
wawa點點樂 歌謠
掛圖 歌謠
司馬庫斯泰雅爾學校
尋找母親失落的臀鈴
全正文校長編輯
最新
語言|丹群布農語
20 Itu Bunun tu Sinunbangan 布農族的文化特質
Maisnaqabas ata bunun ihaan ludun-daingaz miqumis, muskun i takilibus siin qanitu miqumis. Paqpun imita sinunbangan, islulus-an, isqaqanup, mamumu’mu’ tu sinkuzakuza, nitu maqtu saqalmang i maluskun mita tu miniqumis siin qanitu un. Makusia ata sintusasaus mapulanbu’ ki sikakaupa tu miniqumis, makusia malasvanis siin malastapang mapulanbu’ ki imita Bunun tu tastu iniqumisan. Madungdung: Maikusna iti a imita tamasaz minsuma, tudipin ata Bunun maqtu miqumis. Matusuqtis: Sia buan a maisnava mita Bunun, masaiv mita ki tamasaz. Tudipin ata Bunun maqtu minmasaningsing a iniqumisan, nitu maqtu kan-asangun i duma tu miniqumis. Mapaladuaz: Muskun ata ludun siin takismuut miqumis, maszang ata mapaintataiv, kapimaunpa ata diqanin tu sinava, pasunkaviaz i ludun siin takismuut un. Mataiklas: Sia mita mapakasihal a sasauqbungun saduu, Pihanun mita taiklas diqanin siin ituskuun mita tu taiklas maqabin. Aikas-angan: Maaq mita minpakaliva a, imita ituskuun tu aikas-angan. Tunsasaan ata imita aikas-angan miqumis haan nastu ti. Mantuk: Maaq ata Bunun miqumis a madungdung, matusuqtis. Maszang tutuza sinsaiv diqanin tu is-aang. Tail-aianin ata ki mantuk, sihal siin manau-az tu is-aang.
語言|丹群布農語
19 Muskun Ata I-iti 我們同住在這裡
Manaskal aak maqtu mapasaqaal suu. Na-alisqutak a sinpasunkaviaz mita. Lauqu na palunqaqtung ata iniqdian, maaq i nii a, lauqu sia ki nakapisingun mita tu sinkuzakuza. Sanmaqtuang a ata mapasi-ail-ail, sanmaqtuang amin ata mapa-indadangaz. Muskun ata i-iti miqumis. Maszang tutuza tu tais-aan mapasasaipuk, mapa-i-insun, muskun miqdi, muskun amin manaskal. Pakadaidaz ata sauqabas, maszang mita amin a aikitmataan tu sinkuzakuza. Tutuza aak tu manaskal mapasaqaal suu. Namamantuk aak tu kalisqut i imita sinpasunkaviaz tu sinkuzakuza. Na-uka’ duma bunun namaq tu labanasqat siza ki imita tu sinpakadaidaz.
語言|丹群布農語
18 Daidaz 愛的詩篇
Maaq a daidazun a sauqabasqabas, madaidaz, matukailakin i bunun. Maaq a daidazun a nitu tu-asqaz i bunun, Maaq a daidazun a nitu makuniv a is-aang, nitu tustaan babazbaz, maszang minanual tu bunun. Nitu kuzakuza ki iskakaz-av tu kuzkuzaun, nitu lusqa kilim i anak-anak tu sihal kuzakuza, nitu mahaipi minsu’nuq, nitu mililiskin itu duma bunun tu painlalivaan, nitu mazima ki madidikla, kaupa mamantuk a kazimaun; lusqa a paladuaz, lusqa a palatuza, lusqa a haizaan i aikas-angan, lusqa a sisasaa ka is-aang; Maaq a daidazun a uka napas-upaan.
語言|丹群布農語
17 Kikilim i Kakaunan   煙斗到哪裡去了
Kikilim a baia kakaunan, masapsap aipa bungu tu duuq i ihaan a kakaunana qaimumulu ta. Nii aipa ukiliman i kakaunan ta, minsalpu istaa is-aang. luluklas bai ka uvavaz-az tu indangazavang aipa kilim i kakaunan istaa, asain dau aipa maun i tamaku. Antalam dau ka uvavaz-az bai ta tu: “Mavia aas tu talpataz kilim i kakaunan ta i?” Antalam a baia tu: “Na-iskaunku.” Maqainan a uvavaz-az taqu ki bai ta tu: “Hindii ka kakaunan un, tupi talmadiin ata tak-i-iti mamaun i qaising? Mavia aas tu kikilimang kakaunan i?” Munata a uvavaz-az haan daisiq ta pisqaitmal i patungqaqabin. Sia dau Pima a paklalaun mapin-uni ki qanitu. Ita-ang a baia kikilim i kakaunan. Putusputus a baia kikilim, tikisun dau ka qalinga puzungpuzung tupa tu: “ Uvaz-az ta’ki, nitu mindangaz zaku kilim i kakaunan.”
語言|丹群布農語
16 Haiza tu Qanian Namaqtu Aak Pantu 有一天我能夠讀書
Tudiip tu qani-anan, muskun aak tina miqumis, sia tina naak ta ka sisdangun zaku, maqasmav daingaz naak a tina masusuaz i sanglav. Kaupa qanian, maaq a tina ka a tingmut minkailas, ansaqan i laupang linabut tu sanglav mapunhaan babalivan sanglav ta, isbaliv a sanglava, ishuvaiv i tilas mapulumaq. Paqpun, na-asa tutupa aak tu munludun tinlukis, na-ispisdua ki sapuz mapit-ia ki qaising nakaunun zami. Laupang aak isnavaan i mapapatas, taukzazaku tu uvavaz-aza a, munka’kuin amin isnavaan. Sanavan maisna haan aingka ka’ku minsuma mulumaq, patataqu naingka ihaan ka’ku kanaskalun tu sinkuzakuza, mastaan aak maqanuas intaa. Kaupa qanian aak tinlukis, na-anqai tutupa daisiq ka’ku ta. Maisna haan aak daisiq saduu pantu ihaan ka’ku ta isnavaan mapapatas, lusqa tu nii aak maqtu munkunbu’ ka’ku ta muskun naita isnavaan, masalpu’ naak a is-aang miliskin, aupa nii aak maqtu minpantu mapatas. Tudiip tu qanian, haiza naak aikas-angan haan is-aang, haiza tu qani-anan, na maqtu amin aak minpantu, munhaan ka’ku mapasnava.
語言|南勢阿美語
108朗讀稿
作者|canglah
kakaymawan a wawa inaayaw, mulecuh ku belaw tu lutungay a tatayna, ayza a labi hamin sahenay namalabi, miladay kaku tu ina aku(nu maku) tayza(tayda) tu heniyan a milisu’(mididaw). mataenang kya(kiya) lutungay i kakabi’an nu wawa, sicaedung tu salengacay atu sumanahay ku kulit a zikuc(dikuc), situpel tu takuliway a kulit, tabaki ku mata, mangazu(mangadu) kya(kiya) bihid, sakaymawan sa! manamuh kaku cinizaan(cinidaan) atu ci ina aku(nu maku).
語言|丹群布農語
15 Punal 土石流
“Mita Bunun a taimidalaq i Taiuan ti, ma-aq a Puut un, Ngaingaiun siin Taluukun a, lusqa tinundazu munmitaan ti. Uka naitun lamis iti, nii amin mita dalaq un saqaal naitun tu siduq. Paqpun nii nainkuni madaidaz i takiTauang tu miniqumis. Maszang nainkun Lipuun tu mapaluq lukis isbaliv, mapataz i titilibus isbaliv, palasmuav taki-iti tu miniqumis, maupa nii nainkun masaqlaz imita dalaq, danum siin sikaupa tu miniqumis. Maisnatudiip tu minsuma Lipung munhaan Taiuang ti, nitu tan-a imita Bunun sintunanulu, tu-asqazun ata ki diqanin. Minsumin a Puut siin Taulu un a, madas nainka pakitpapataz tu qanitu mun-iti, paiska-itain ata amin kitngaa pakitpapataz saulaupadau”. Maupa ta Manan a tataqu ki bunun.
語言|丹群布農語
14 Uknav siin Tumaz 雲豹與熊
Qabasang haiza uknav siin tumaz. Patupa dau aingka tu namapazunga mapinau-az i inaita hubung. Tupa dau ka tumaz i uknav tu:“ Zaku a ngaus mazunga isuu hubung.” Tuza dau ka uknav tu makantakzang ihaan batu daza, pisihalun tumaz ta painahaan bungu sau haan ikul mazunga. Kusi-aun istaa mataqdung, masinghav siin madangqas tu patas mazunga. Suqsuqazun istaa ka uknav a saduu, manahip istaa ka is-aang, aupa mastaan dau ka sinzunga tu manau-az daingaz saduan. Sin dau uknav ta a mazunga ki tumaz. Mundaza a tumaza haan lukis masabaq, aupa nazungaun i uknav. Tiqavun tumaz ta dau ka mata, nii qana uknav niapniap a, antutuun istaa ka mataqdung isququsqus tu iu ka, matusin dau ka tumaz tu mataqdung, kaupin ihaan mumudan a maduqlasang saduan. Mapising a uknav, aupa nakahaun i tumaz. Tupaun istaa tumaz tu mastaan aas tu manau-azin saduan, nangausin aak munastu mudaan, asa suu a mata tu tiqavun, sauhaan niin aas utan-aan inaak tu qalinga. Minkailasin dau ka tumaza a, tinquza aipa saduu tu, mavia ata tu matuus mataqdung i? kilimun istaa ka uknava. Tupin a uknav tumaz ta tu: “Napaiskahaipin aak, maaq i udamuan aak titi a, nasuu a ngausun mapakaun i titi siin takingadaq, zakuin maun i tuqnaz siin kahung.”
語言|丹群布農語
13 Nitu Mumusqu 生生不息
Madasin a talikuan siin baqusaz i madadavus maisna haan hana mulumaq. Mulumaqin a sidi siin qanvang maisna haan nata. Lingkunin amin vali ta isia ta madangqas mabaqis tu landung mapulumaq. Maaq i tinsingqalin a singqal haan daan daingaza a, mastuqtuq a singqala asang ta” Kandaukdauk a talaban tu sanavan misuma, Minsumin! Tutuza tu minsuma-in! Maisna haan aipa taungku ludun ta mudaukdauk muqaiv munastu. Minsumin! Tutuza tu minsuma-in! Maisna haan puspus i saviki ta mudaukdauk muluslus munastu. Matusin a diqanin sinpinang istaa, sanbibinsal tu kadimanun tu qaimamangsut siin tas-a madaing tu masingqal tu sui.
語言|丹群布農語
12 Kilim i Bunun Pakuzakuza 徵才啟事
Maaq a inaam uanpukan a ihaan 2013 qamisan 1 buan 1 qani-anan kanasia ki ku’ka dailaz mapinsalangka. Sikaupa ka na-iskuzakuza zami a, na kuzkuzaunin ihaan haip tu punsanan 6 buan 15 qanianan. Tis-uni tu napalmaupaun zami ka sinkuzakuza, asa aam laupadau kilim i napakuzkuzaun zami tu bunun, mun zamian kuzakuza. 1. Itu sia inaam uanpukan lavian tu mindadangaz: TAS-A bunun. 2. Malka-uni ki sui tu kuzkuzaun tu bunun: DUSA bunun. 3. Iskakalunan pakuzakuza tu bunun; TATAU bunun. Mastaan aam tu maisna is-aang manahip maltatala muu minhamu inaam uanpukan tu sinkuzakuza, muskun tis-uni imita asang siin imita tais-aan kuzakuza, mapaidaza imita asang tu ngaan. Maaq i asa amu mapatanam a, mapudana isuu kainikuzaan siin liniqaiban mapun zamian ti. Inaam dangi-anan ihaan: OO縣OO鄉OO村OO鄰OO號 余 OO總幹事收   Zingva: 03-OOO1234   Emelu: vatanbunun@gmail.com   OO縣OO發展協會 理事長 江OO Maipudaan
語言|丹群布農語
11 PUNG KALALA CIA CIA CIA 碰卡拉恰恰恰
Maszang dau ka tastu iniqumisan i taisaq mita tun. Katu tusisia imita kinukuzaan Kaisalpuan mita, katu ililiskinun Sia mita bunun kaipus-uan is-aang a kapisingun Maaq i haiza suu kaisalpuan, nitu masihal i pisanun is-aang Asaun mita ka kaipus-uana matakunav ma-uman, nitu istala Na asa aak pasauntaunqu suu ki davus Namapin-uka isuu kaisalpuan, maaq i ukain a isuu kaisalpuan, na maliduin isuu a is-aang Tupa aas tu maszang amin ata tu haizaan kaisalpuan Mavia tu nitu muskun zaku iungi ki CIA CIA i? Maaq i iungi a, asa suu qai-iung un tu hinughinungun Katu maz-av paidaza isuu ima, Talisqutav a ima mahalak, katu hapulun, natiskaupat aas. HI! HI! HI! HI! Muskun ata kipaqpaq ima Qaivusvusav a bungu suu un Zain! muqnang ata tusasaus i inaak tu sintusausa HI! HI! Muqnang ata sauntaungqu PUNG KALALA HI (X6) Nitu tupa tu uvavaz-az, madadaingaz, muskun sata iungi Tastu sanavan sata iungi, panpungulav a qainimulmulan Cia Cia Cia Cia Cia Cia PUNG KALALA PUNG KALALA HI
語言|丹群布農語
10 Vanglaz Siin Ludun 河流與山脈
Danum maisna haan ludun, lukis, siin hungku daingaz, la-anpuk haan lukis lamis. Makusna haan ludun, luak tuun, man “SUAQ! SUAQ!” sansuma mutaul sauhaan bukzavan, min-uni ki vanglaz daingaz. Ihaan ludun daingaz, maaq a danuma a maisna haan nastu ludun kistutuduq sansuma. Mukakaivung tu vanglaz, maszang tutuza tisqut, anqai ki madia ludun, atikis tu danum dungzavin minmadaing, min-uni ki vanglaz daingaz. Tataskunin a danuma pasisinap ihaan vanglaz ta, sitingsiting, bulungbulung, masqung a inudadanan intaa. I-isaq a luduna a, i-isaq amin a danum a misuma Haiza a kisuna, nahaiza amin a vanglaz daingaz Haiza vanglaz a, nahaiza amin a iskaan Tauk i-ita tu tais-aan, ihaan ludun qanup, ihaan vanglaz matavukul i iskaan Ihaan sisila vanglaz mahanat i titi siin iskaan Maaq i quu maning-as tu danum ihaan vanglaz daingaz a Manaskal a is-aang, man “A HA” kintuhuq Maaq a ludun,lukis, kisun, vanglaz un a, na-is-iqumis mita Muskun ata dalaq diqanintun miqumis Tinupa imita maimadadaingaz tu San maqtuang imita mailangkikinuz uvavaz-az sauqabasqabas miqumis ihaan sinqal i vali siin maning-as danum tun, Mutaul tu danum vanglaz! Nii aam niap tu isaq suu a pas-upaan Na isaq amu mapulanbu’