Nga’ay ho mapo:long, pasifana’ ko singsi to sowal no Pangcah, do^do han ko singsi a minana. Akong! Ati ati ati, kamaro’ itini. Malahokay to kiso？ Caay ho kalahok kako. Akong！ ira ko facidol yo! Maolah kiso a komaen to facidol？ Hay! maolah kako to facidol. Tada kaeso’ a kaenen ko facidol. Akong! ira ko damdam yo! Maolah kiso to ka^dahay?

’obay So’o ’am rima’ rayno’? yako ’am rima’ lolongan. lolongan a rayno’? lolongan ray ’atomo’.

I cowa ko padatengan？ I kaayaw no loma’ ako. I cowa ko padatengan？ I kaikol no loma’ iso. I cowa ko padatengan？ I kawili no loma’ iso.

Ira ko padatengan i kaayaw no loma’. ako. Ira ko padatengan i kaikol no loma’ iso. Ira ko padatengan i kawili no loma’ nira.

makapahay a niyaro ko ciwkangan haw? Hai, tada makapahay ko ciwkangan.

Katsainin sia bukzav kuzakuza tu Vilian, sadu mas tilibi at minhai-iap tu namudinun tastu Taiuancin Bunun sia an-anak tu asang lus-an Manahtangia. Cinliskin sai-ia tu malbuntuin ni tu musuhis mincivi tama-cina, musasu niang amin uvavaz inadas mapin-amu Manahtangia. Tuanak-anak tupa tu, Nakulumah tutupa! Namin-amu tutupa! Taunadipin hanian, laupang istus-a. Tushit cina malala tu, Aping minkailasin! Talum minkailasin! Namacingmut kata mincivi hudas musasu min-amu lus-an Manahtangia. Tai-aza uvavaz hai, Macinsu minkailas taldanav at, malun-uvai mas manau-uaz tu ulus-Bunun. Masa makasia mukzaikuzaiku tu dan, mutah Talum, mutah amin Apin. Cinliskin Vilian tu, punbuntuin ni tu sailumah, nin uvavazan manam makasia mukzaikuzaiku tu dan. Makuang isaicia is-ang at kamingming mubahbah. Taunasainin asang, cisdadan uvavaz kusia hudas tu lumah, acinpasdun nai-ia mas tama-hudas sin cina-hudas maliba, mahahainan at mubabahbah. Minhai-ia Vilian tu mahanimulmul hangsia tamacina sia ludun tu lumahcin. Nakitngabin lus-an Manahtangia, ma-alak tama-hudas mas Talum tu ima kusia lus-anancia. Mal-anuhu kaimin tastu-lumah sia maldadailaz tu batu samantuk mas sinlus-an. Mazbin hu hu hu? Tusingav Talum. Cinsivus tama-hudas sadu mas mantanaskaun mal-anuhu tu Talum at antalam tu, Malastapang nai-ia! Hu hu hu hai sinkintuh! Sintukuabin tumananu i? Tuhna Talum tusingav. Antalam tama-hudas tu: Tumananu hai maidusa tu halinga tupa mas mananu at pintasaun, sintupa tu tupa mas mananu, masamu bazangbazang tusmuav. Mais duan tu tutmang tusmuav hai insubnuhun at aciskunun sinanata mapusbai. Mais niang maikavas, anis maipakaun tastu-asang mas hinanup tu sidi, babu, hanvang, sinmas tumaz. Ni tu pin-amun itu Bunun mabananaz mastan ihuhu tu islus-an Malastapang. Adu mamantuk inaicia sinpalistapang? Tuhna Talum tusingav. Cinsuhdung tama-hudas miliskin ni tu antalam. Antalam tama tu, Aiza mamantuk, aiza tutmang tusmuav. Mahtuabin nai-ia tutmang tusmuav i? Cinhuza Talum tusingav. Macinsu tama antalam tu pataliva! Kadaza samantuk sadu. Cinsuzuk itu Talum ngulus masamsam an-anak tu bungu sadu mas tama.

Habas dau tastu dalahan hai ladinpuhan madas mailantangus mas sapuz mai-aupa ludun macisbai hai tu isluvusan kitda at mushu sapuz. Masa tauna dazain sia ludun hai kikilkil makazav aupa ukain lu ispalusapuz ismuduan. Sadu nai-ia tu itasipal bunun hai aizan mas sapuz mapatupa nai-ia tu nasima avunun mapasiza mas sapuz kaupa mas haipis malsapah lu musuhis at aizanin Bunun mas sapuz. Sahusbu kata Bunun mas sapuz mais nakuzakuza hai kangaus malusapuz aupa mais huhusulin hai hai-iap duma bunun tu aiza isaicia kuzakuza. Mahtu sapuz ispitcia haising is-anat pandian ispaklang cici iskaun mas haising. Mais makazav hai ismuduan at nin kata paskazavun min dahpa. Masa habasang kata Bunun hai munhuhuma taini huma hai kangaus mahun masivat mais mahalivin ismut hai pistabaun mahtuin pinangan mas auksa aipincin hai min-uni imita tu kakaunun. Imita Bunun tu islulus-an hai asa tu aiza sapuz aupa mahtu sapuz mauman dahpa sinmas kuang mapusbai hanitu kuang. Maszang mas daungkav sapuz hai mahtu mahais hanitu kuang aupa mapising nai-ia sapuz. Isia libus hai asa tu malusapuz aupa mahtu sapuz mapinpising takismut lahnut naicia muaisku kan-asang mas bunun. Haitu asa tu mananulu malka sapuz aupa mahtu sapuz mapistaba inastucin iskaupakaupa tu haimangsut sinmas minihumis. Aiza uvavaz mazima mashailang mas sapuz ni tu mananulu at mapistaba mas lumah ingadah tu haimangsut hai mis-amin mistaba. Mahtu sapuz masaiv maita singhal sinmas bahis isia madumduman mahtu kata siza sapuz ispalsiuh nalahaiban tu dan. Habas dau hai inis-uka singhal madumdum tastu dalah. Aiza tacini bunun labatu taibungu mas sakut masa cinmangmang sakut tuia hai cinhuza dihanin at cintus-a. Paiska tudip aizain singhal sau laupaku. Laupaku sapuz hai minsupahin aiza tupaun tu dingki kunian mas kasuling sinmas ngasu mapistaba ni tu makulukis malusapuz. Aiza amin maisna sia singhal sinmas bahis tupaun amin nai-ia tu aisidan singhal. Sapuz tu tamasaz hai mahtu mapibahis mapizaipuh mahtu mahaizungzung kikai. Cismaupacia aizain tunhusulan lailai sintupa tu maku-uni sapuz tu tamasaz mapudan mas lailai. Pahasia asa kata tu ni tu pinmamaz mas sapuz at namahtu kata sau habashabas ni tu pavaian mas sapuz tu tamasaz.

Imita Bunun lus-an mapudahu hai isia mas-an buan sausia mas-an han tasa buan. Isia mapudahu tu buan, tastu lumahlumah hai kikilim amin mas nakahuman minang mas maduh. Aupa aiza imita asa tu kapimaupaun mais kitngap kahuma tu dailaz. Maupacin kilim nakahuman tu dailaz, maza masailang nakahuman tu bunun mais sadu ivut sinmas aluaz hai, ni sai-ia tu dalah mahtu kahuman, taulushuan mas ivut sinmas aluaz tu dalah hai ni amin mahtu kahuman. Aupa latuza Bunun tu, sanbiskav tu ivut hai sintupa tu mabiskav is-uka, anatupa tu supah daingaz maduh haitu napavaian tastu lumah mas haising. Maupacia amin aluaz, sai-ia hai nakaupa hanian kusia lumah tu patcilasan mindangaz maun at, napavaian tastu lumah mas cilas. Cismaupacia, isia kikilim mas nakahuman mais sadu ivut sinmas aluaz hai, sintupa tu nani masial tu hanitu tauhumis mas nakahuman tu dalahcin. Mais ni tu maupacia hai, namadauzung iskaupakaupa. Madadaingaz hai isia bahlu tu nakahuman tu kansisila, mastabal mas sathasan sadu tu lukis, manghal tu sain hai imita painsanancin bahlu tu nakahuman. Mapishai-iap duma siduh tu aizain taini dalahcin, masamu katmang kusaincia kahuma. Sihailaz mas nakahuman hai maupacia tu, maza saidip masailang tu bunun hai, asa tu mapishai-iap mas kinilim naicia tu nakahuman, at mastatala tainisahan tu nalakua mahtu kitngab kahuma. Mais tupa is-amaminan tu ni sain tu taisah masial hai, ni tu mahtu katmang kaudip kahuma. Mais masial taisah hai, mahtuin madas tastu lumah kahuma mas adip tu dalahcia. Aupa latuza bunun tu dihanin hai, mapakasia taisah mapisambut tahu mas bunun. Pahasia masial tu taisah hai sintupa tu naminsia, makuang tu taisah hai sintupa tu ni tu naminsia. Mais masial taisah, kutunin hai macingmut lansanan lus-an mas minduduaz tandusa ashailian, madas davus, babu tu huspil, utan mas ispalusapuz, kusia nakabahluan kahumacia. Kangaus masivat tu ikit, at malusapuz matunu utan, husul mais mututusbut maiaupa sia dihanin hai, sintupa tu masial, at macistub tu tasa siahi, luhusan mas babu tu huspil, sintupa tu mahtuang maduh maszang huspil tu mahulpiah matangsi taldaing. Masumsum tu mahtuang isaincin sial hanitu mindangaz sinsusuaz, mapusbai namatushung sinsusuaz tu kuang hanitu. Mais talciunin tu hanian, tastu lumah mahtu mahun tu bunun sinmas manaiav tu taisis-an hai kitngabin mahun, mapistaba paihunan, kanamal, mapalsasanusin tu naminang maduh.

kaupakasiduh mais palimapadangi hai, aizaan amin mas inaicia anak-anak tu dailaz, aizaan amin mas inaicia makinvaivi tu hansiap. uungat, makuabin imita Bunun a hansiap mais palimapadagitan i? habas Bunun mais mapadangi hai, kusian a mabananaz mas na-izaancia tu lumah mapa-is-av. kadavus anis mapataz mas babu, asa na-inmavalaan a tu pinaskalun mapa-is-av, asa na-inmavalaan a tu pisi-alun mapakaun, masamu aiza minhalinga. mais manaskal a itu maluspingazcia madaingaz anis pantas-anun hai, namaisna-is-aang tauhumis mas mas tastupadangitan, mapinla-ia mas itu tastupadangitan tu sininghumis. mais kanahtungin hai mapatupa-in tu mavala, at mapaukbaas a itu maluspingaz tastulumah mas mavala. paskaupacia itu mapadangi a iskuzakuza. at adasunin a maluspingaz siskuav tamacina. niin muhna isian mas mabananaz tu lumah lus-an. kasalpuun i, islaupacia a Bunun hai aizain silili mas puut tu asa tu isian mas mabananaz tu lumah lus-an mapadangi, mastaan kasalpuun hai mudusa mapadangi, lus-anan sian maluspingaz tu lumah at muhna lusanan sian mabananaz tu lumah, niin kapimaupa mas itu Bunun tu islulus-an. aizaang itu Bunun kadimanun hansiap mais palimapadangitan, tupaun tu samu, mais laupang mapasahaal hai asa tu masingav tu adu masamu. mais tastubaning hai masamu; mais tainkadaan hai masamu; mais tainkanaian hai masamu; mais tainkaszang hai masamu. sain tu iskuzakuza hai imita malintatangus tu taiklas. mais anghandav mas saitaan tu situhas-az hai, nakidaz mas tastubaning; mais nitu kapimaupa mas saitaan tu sintatahu hai, namalatpu a tastulumah. pahasia, asa kata tu matusuhcis kapimaupa. mais anghandav mas samutan at mapahusilin mas maibabu, na-azain a bunun cismaupacia maun mas sinsaivin mas bunun tu kakaunun, itu madaingaz istatahu hai, mais maun mas sinsaivinsu bunun tu kakaunun hai, namuntunuh a baning, sintupa tu na-ishutmu a isuu tastulumah. mais maun mas sinsaivinsu bunun tu kakaunun hai, mahtu amin tupaun tu iksuhis, mahtu amin “ iksuhis ” tupaun tu, isianang a uvaaz sian cian hai matazin, sintupa tu uka mailangna naminsia. asa kata Bunun tu malhahaiap tu, mapala a imita madadaingaz mas islus-an mapadangi tu dailaz, asa kata tu matusuhcis, kakaa tu si-adasun mas vaivisiduu tu iskuzakuza, kakaa tu ama-ama malansan mas nii tu imita Bunun isian lusan mapadangi tu dailaz. akaput imita Bunun istaiklasan tu palihumis.