影音中心 - 族語夢工廠-邵語-01阿美族動畫十個太陽 - 族語E樂園

EN

語言選項
字幕選項

族語與中文字幕
影片類型

音樂

故事

節慶

教學

生活

歷史與文化

邵語 - 邵語

族語夢工廠-邵語-01阿美族動畫十個太陽

族語夢工廠

kahiwan ifafaw qali ianan makthin a tilhaz

makthin a tilhaz munshai puruq,

mathuaw shmanshan miazai sa rabu matata

thau antu shdu malhkakrikriw

numa sa pinalhalhuiza antu mindadu

ya malhialh itmaz puruq mabraq munkuru

ya mahumhum mu’apaw

ita tata wa qali kataunan a thaw muriut malhkakza

mzai amiakuza ya aputuka izai makthin a tilhaz

itia thau mzai :「 amungtha ita itan sa puruq pintaun.」

kanuniza mashtay antu mashashdu inay a lalawa

maqa ya qusazin autun sazum

itia tata wa thau

「kalawa ita maharan a tafuq

apakdup mita wa kataunan.」

mashtay mzai antu maqitan haya wa lalawa

maqa zai a rinuzin amutuq mush tutu kataunan.

kataunan ma’ania wa thau malhinuna

zai thithu : 「unshay ita tilhaz mulhpazishan.」

mashtay mashashdu thithu a lalawa

maqa thithu inai kataunan ma’ania wa thau

brataq tata qali mashtay ita wa ayuzi

muntal ma’ania wa thau mulhpazishan tilhaz

muqaiza binaaw’az inay kataunan

binanaw’az inay kataunan mindoaq mindoaq mitasha

antu malhathaq satihaz ayuzi mani ukawan tu mushuqi

numawan haya ma’ania thau a binanaw’az

mushay binanaw’az fuilh thaythuy

「ata ita tu yadahip ayuzi

pashtay ita mungktu ya amiakuza.」

itia tata wa binanaw’az zai

「tunuun ita sa dawaz unshay ita tilhaz kmaulh.」

mashtay itia wa binanaw’az muriut

pashay maqitan a aniamin tunuun maharan dawaz

thaythuy mitathawan tilha a malhus

pasain dawaz kmaulh tilhaz

itia pitu a tilhaz kaulhin sa dawaz

malhathaq panasha marain a wazaqan mathay

panaqanan turu a tilhaz shung qash mzai

sa thaythuy binanaw’az mzai ataiza tu kaulh yamin

ma’ania ayuzi binanaw’az mzai thaythuy

「ata maniun tu pashintari ya mu’apaw

mathuaw yamin mahnaz ani yamin tu aminthau.」

laturu a tilhaz mathuaw shungkash

mashashdu tu binanaw’az izain ya lalawa

latata wa tilhaz fziq minkilhpuz

makintusha makinturu wa tilhaz tmusuq

latata pu’apaw ya malhialh

numa tata paka mahumhum mu’apaw

ya mahumhum ya mu’apaw zain furaz

isaran a ayuzi mriqaz tilhaz lataiza

mashtay a matinqaran makuna taun

isisua thaythuy mafazaq iza mzai

tu binanaw’az a ania

mathuaw ayuzi shufan binanaw’az ma’ania

isisua wa qali mashtay ayuzi tumaza

sa binanaw’az a lalawa

numawan thaythuy thuyni Amis

mzai binanaw’az shanau tuan

族語E樂園-邵語動畫49部影片

族語夢工廠-邵語-04邵族動畫追逐白鹿

族語夢工廠-邵語-08魯凱族動畫巴里的眼睛

族語夢工廠-邵語-12卑南族動畫風箏救弟

族語夢工廠-邵語-02泰雅族動畫幻化成鷹