影音中心 - 族語夢工廠-噶瑪蘭語-06布農族動畫給我野菜湯 - 族語E樂園

EN

語言選項
字幕選項

族語與中文字幕
影片類型

音樂

故事

節慶

教學

生活

歷史與文化

噶瑪蘭語 - 噶瑪蘭語

族語夢工廠-噶瑪蘭語-06布農族動畫給我野菜湯

族語夢工廠

kungku zau bulay iku tu salang na

melubas ta tati ay tened

yau paqenanem tazungan sunis seRai tina

tina matiw sazenna kelawkaway

azasana sunis tazungan ay

pamemeng yau ussiq Rusipan mezukat

qaRatan na lima na tina

maqaRat ay lima qasiR bunul ti

ta niqaRatan taRaw, Rayngu ti kelawkaway ya tina

maseq tu leppaw ya tina

bilbilbil ti, saRumzang maRemaq ti

taytan na tazungan sunis metaRaw tina na

qasianem azu yau salang na

melubas ta tati ay tened qanengi tu tina

meRaRiw melusit tazungan sunis

ngid qatiw kilim tu melubas ta tati ay tened

taytan na yau leppaw, kungkungan na ineb

zau nani ta libeng na naung leppaw na qenabalang na

yau paqenanem baibedan temangan tu ineb

yau niana lazas su ?

bula iku tu salang na melubas ta tati ay tened

ipilan na baibedan :

sapaqunian su salang na melubas ta tati ay tened?

semanu tazungan sunis : sa paqanan tu metaRaw ay

niana taRaw na?

semanu ya tazungan sunis : maqaRat na Rusipan

ta nian maqaRat ?

ta zennan maqaRat

mezuzus baibedan

yau metaRaw ay meRaRiw tu medaud sunis zau

sepezan ta qaRuan salang na tened bulan

alan na sunis ya salang meRaRiw ti

melazuk ngid pa tanan tu salang

menanum ti tu salang na teded tina na nengi ti

mai ti maRemaq, mai ti bilbilbil qaya

temuzus tu qaRabi, temanan ti tama na sunis

mazas tu muwaza nibilbilan mayseng ay senalawan

masang semalaw utatani deddan ta naungan

bulbulab na semalaw qawka temanan

sanuan na sunis tama na, metaRaw ti tina !

melazuk ti kemilim tu suway iyu

pupuan na ta luzitan na tina

mai metenes mai ti bunul luzit na tina

sunis zau supaRan mediyatip

qasianem tu panmuan tu tina

suppaR kemilim tu salang na tened

qawka mai mepatay tina na

kungku zau salang na melubas ta tati ay tened

satezayan na baqibai masang

族語E樂園-噶瑪蘭語動畫49部影片

族語夢工廠II-噶瑪蘭語-20噶瑪蘭族動畫小狗鹿雞

族語夢工廠-噶瑪蘭語-02泰雅族動畫幻化成鷹

族語夢工廠-噶瑪蘭語-01阿美族動畫十個太陽

族語夢工廠-噶瑪蘭語-10噶瑪蘭族動畫冬瓜美人